 |
| بسكويت الذبدة الامريكى |
عارفه بسكوت الذبدة إلى بتشتريه غالى وبيكون طعمه حكاية وهنتجنن على جماله أيوه هو تعالى نعمله فى البيت بكل سهولة وباقل تكلفة يلا نشوف الطريقة.
المقادير
2 كوب دقيق
نصف كوب زبدة ( وممكن تستبدليها بسمنة عادى لو مش متوفر عندك الذبدة)
كوب سكر بودرة
باكيت بودر 14 جرام
باكيت فانيلا
بس هى دى المقادير شوفتى بسيطة ازاى تعالى بقا نشوف طريقة التحضير
طريقة التحضير
نعجن كل المكونات السابقة مع بعض بالايد لحد العجينة ماتتماسك ملحوظة لو لقتى العجينة مش متماسكة معاكى ومش عاوزه تلم ضيفلها ملعقتين حليب.
بعد العجينة ماتبق متماسكة ومتجانسة مع بعضها ابداءى فى تشكيلها على حسب رغبتك
فى أشكال كتير وفى طرق كتير
ممكن تعمليه بختمات الكحك بتاع العيد وممكن تعمليه بالاشكال الموجودة مع الكيس الحلاوانى
وممكن تعملية دواير وتشكلية بالشوكة.
وبعدها حترصيه فى صاج مدهون بالزيت ويدخل الفرن على نار هادئة جدا أقل درجة حرارة عندك
بياخد فى الفرن 15 دقيقة.
وبالهنا والشفا
ليست هناك تعليقات
إرسال تعليق
رجاءا الالتزام باداب التعليق